ಅಂಗಡಿ ನೀಡುವ ನೆಪದಲ್ಲಿ ₹6.3 ಲಕ್ಷ ವಂಚನೆ – ವ್ಯಕ್ತಿ ವಿರುದ್ಧ ಎಫ್ಐಆರ್
ಬೆಂಗಳೂರು, ಜುಲೈ 21:2025
ಸ್ವ ಉದ್ಯೋಗಕ್ಕಾಗಿ ಅಂಗಡಿ ತೆಗೆಯಲು ಯತ್ನಿಸುತ್ತಿದ್ದ ವ್ಯಕ್ತಿಯೊಬ್ಬರು, ಅಂಗಡಿಯನ್ನು ನೀಡುವ ಭರವಸೆ ನೀಡಿದ ವ್ಯಕ್ತಿಯಿಂದ ₹6.30 ಲಕ್ಷ ವಂಚಿತರಾಗಿರುವ ಘಟನೆ ಬೆಂಗಳೂರಿನಲ್ಲಿ ವರದಿಯಾಗಿದೆ.
ಶಮೀಲ ಎಂಎಸ್ ಪ್ರಕಾರ, ದಿನಾಂಕ 25-08-2023 ರಂದು ಫಿರೋಜ್ ಎಂಬ ವ್ಯಕ್ತಿ ಅಂಗಡಿ ನೀಡುವುದಾಗಿ ಭರವಸೆ ನೀಡಿ ₹5,000 ಟೋಕನ್ ಮೊತ್ತವನ್ನು Google Pay ಮೂಲಕ ಪಡೆದನು. ನಂತರ ಹಂತ ಹಂತವಾಗಿ ವಿವಿಧ ದಿನಾಂಕಗಳಲ್ಲಿ – ನಗದು, ಆನ್ಲೈನ್ ಪಾವತಿ ಮತ್ತು ಅಮೇಜಾನ್ ಪೇ ಮೂಲಕ ಒಟ್ಟು ₹6.3 ಲಕ್ಷ ಪಾವತಿಸಲಾಯಿತು.
ಆದರೆ ಹಣ ಪಡೆದ ನಂತರ, ಫಿರೋಜ್ ಅಂಗಡಿಯನ್ನು ಬೇರೆಯವರಿಗೆ ಮಾರಾಟ ಮಾಡುವುದಾಗಿ ಹೇಳಿ ಹಣ ಹಿಂದಿರುಗಿಸಲು ನಿರಾಕರಿಸಿದನು. ಇದೇ ವಿಚಾರವಾಗಿ 17-09-2024 ರಂದು ಹಣ ಕೇಳಲು ಹೋದ ದೂರುದಾರರೊಂದಿಗೆ ಫಿರೋಜ್ ಅವಾಚ್ಯ ಶಬ್ದಗಳಿಂದ ಮಾತನಾಡಿ ಜೀವ ಬೆದರಿಕೆ ಹಾಕಿದ ಎನ್ನಲಾಗಿದೆ.
ಈ ಸಂಬಂಧ ದೂರು ದಾಖಲಾಗಿದ್ದು, NCR ಸಂಖ್ಯೆ 429/2024 ಅಡಿಯಲ್ಲಿ IPC ಸೆಕ್ಷನ್ಗಳು 318(2), 351(2), ಮತ್ತು 352 ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಮಾನ್ಯ 7ನೇ ಎಸಿಜಿಎಂ ನ್ಯಾಯಾಲಯದ ಅನುಮತಿ ಪಡೆದು, ಅಧಿಕೃತವಾಗಿ FIR ಸಂಖ್ಯೆ 249/2025 ರೂಪದಲ್ಲಿ ತನಿಖೆ ಪ್ರಾರಂಭಿಸಲಾಗಿದೆ.
ಯಲಹಂಕ ಪೊಲೀಸರು ಪ್ರಕರಣದ ತನಿಖೆ ಕೈಗೊಂಡಿದ್ದು, ಸಂಬಂಧಪಟ್ಟ ಎಲ್ಲಾ ದಾಖಲೆಗಳನ್ನು ಪರಿಶೀಲನೆ ನಡೆಸುತ್ತಿದ್ದಾರೆ.
