ವಡೇರಹಳ್ಳಿಯ ಮಹಿಳೆಗೆ ಗಂಡನಿಂದ ದೈಹಿಕ, ಮಾನಸಿಕ ಕಿರುಕುಳ – ವಿಜಯಾ ಹಾಗೂ ಕುಟುಂಬದವರ ವಿರುದ್ಧ ಕಾನೂನು ಕ್ರಮಕ್ಕೆ ದೂರು
ಬೆಂಗಳೂರು:25 2025
ವಡೇರಹಳ್ಳಿಯಲ್ಲಿ ವಾಸವಾಗಿರುವ ಮಹಿಳೆಯೊಬ್ಬರು ತಮ್ಮ ಗಂಡ ಹಾಗೂ ಮತ್ತೊಬ್ಬ ಮಹಿಳೆ ವಿಜಯಾ ವಿರುದ್ಧ ಗಂಭೀರ ಆರೋಪ ಹೊರಿಸಿ ಠಾಣೆಗೆ ದೂರು ನೀಡಿದ್ದಾರೆ. ಮೂರು ವರ್ಷಗಳಿಂದ ಗಾಮರ್ರಂಟ್ಸ್ನಲ್ಲಿ ಕೆಲಸಮಾಡುತ್ತಿರುವ ದೂರುದಾರ ಮಹಿಳೆ, ಕಳೆದ 30 ವರ್ಷಗಳಿಂದ ಸುರೇಶ್ ಎಂಬುವರೊಂದಿಗೆ ವಿವಾಹಿತ ಜೀವನ ನಡೆಸುತ್ತಿದ್ದು, ಇಬ್ಬರಿಗೆ ಮೂರು ಮಕ್ಕಳಿದ್ದಾರೆ.
ಲಕ್ಷ್ಮಿ ಅವರ ಪ್ರಕಾರ, ಸುರೇಶ್ ಅವರು ವಿಜಯಾ ಎಂಬ ಮಹಿಳೆಯೊಂದಿಗೆ ಅನೈತಿಕ ಸಂಬಂಧ ಹೊಂದಿದ್ದು, ಈ ಸಂಬಂಧವನ್ನು ಮುಂದುವರಿಸಿಕೊಂಡು ತನಗೆ ಪ್ರತಿದಿನದ ಚಿಕ್ಕಪುಟ್ಟ ವಿಚಾರಗಳಿಗೂ ಜಗಳ ಮಾಡುತ್ತಿದ್ದರು. ಗಂಡನೊಂದಿಗೆ ವಿಜಯಾ ಸಹನಿಷ್ಠಿತವಾಗಿ ಮಾತನಾಡುತ್ತಿದ್ದ ಹಿನ್ನೆಲೆಯಲ್ಲಿ, ಮನೆಯಲ್ಲಿಯೇ ಹಲವು ಬಾರಿ ಮಾತುಕತೆ ನಡೆಸಿದರೂ ಯಾವುದೇ ಫಲಕಾರಿಯಾಗಿಲ್ಲವಂತೆ.
2005ರಲ್ಲಿ ವಿಜಯಾ ತಮ್ಮ ಮನೆಗೆ ಬಂದು ಸಾರ್ವಜನಿಕವಾಗಿ ಅವಹೇಳನ ಮಾಡಿ, ದೈಹಿಕವಾಗಿ ಹೊಡೆದು, “ಮನೆ ಬಿಟ್ಟು ಹೋಗದಿದ್ದರೆ ನಿನ್ನನ್ನು ಜೀವಂತ ಬಿಡುವುದಿಲ್ಲ” ಎಂಬ ಜೀವ ಬೆದರಿಕೆ ನೀಡಿದ್ದಾರಂತೆ. ಇದರಿಂದ ಮನಸ್ಸಿಗೆ ದೋಷವಾಯಿತು ಎನ್ನುವ ಮಹಿಳೆ, ಕಳೆದ ಮೂರು ವರ್ಷಗಳಿಂದ ಮಕ್ಕಳಿಲ್ಲದೇ ಬೇರೆ ಮನೆಗೆ ಬಾಡಿಗೆಗೆ ಹೋಗಿ ಜೀವನ ನಡೆಸುತ್ತಿದ್ದಾರೆ.
ಇದರಿಂದಾಗಿ ಲಕ್ಷ್ಮಿ ಅವರು, ಗಂಡ ಸುರೇಶ್, ವಿಜಯಾ ಹಾಗೂ ತಮ್ಮ ಮದುವೆ ಮಂತ್ರಿಗಳಲ್ಲಿ ಒಬ್ಬರಾದ ಮೈದುನ ಕಿಶೋರ್ ವಿರುದ್ಧ ಕಾನೂನು ಕ್ರಮ ಜರುಗಿಸುವಂತೆ ವಿದ್ಯಾರಣ್ಯಪುರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ವಿದ್ಯಾರಣ್ಯಪುರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.
