ಆಸ್ಪತ್ರೆಯ ಎಸಿ ಕಾಪರ್ ಪೈಪ್ ಕಳವು: ₹25,000 ಮೌಲ್ಯದ pipe ಕಳ್ಳತನ
ಬೆಂಗಳೂರು, ಆಗಸ್ಟ್ 1: 2025
ನಗರದ ಪ್ರಕೃತಿ ಆಸ್ಪತ್ರೆಯಲ್ಲಿ ಕಳವು ಪ್ರಕರಣ ನಡೆದಿದ್ದು, ಎಸಿ ವ್ಯವಸ್ಥೆಗೆ ಅಳವಡಿಸಿದ್ದ ಸುಮಾರು 30 ಅಡಿ ಉದ್ದದ ಕಾಪರ್ ಪೈಪ್ ಕಳ್ಳರು ಕದ್ದಿರುವ ಘಟನೆ ವರದಿಯಾಗಿದೆ. ಪ್ರಕರಣ ಸಂಬಂಧ ಸ್ಥಳೀಯ ಠಾಣೆಗೆ ದೂರು ನೀಡಲಾಗಿದೆ.
ಆಸ್ಪತ್ರೆಯ ವ್ಯವಸ್ಥಾಪಕರು ನೀಡಿದ ದೂರಿನ ಪ್ರಕಾರ, ಜುಲೈ 13ರಂದು ರಾತ್ರಿ 10 ಗಂಟೆಗೆ ಎಸಿ ಪರಿಶೀಲಿಸಿದಾಗ ಎಲ್ಲವೂ ಸಹಜವಾಗಿ ಕಾರ್ಯನಿರ್ವಹಿಸುತ್ತಿತ್ತು. ಆದರೆ ಜುಲೈ 14ರ ಬೆಳಿಗ್ಗೆ 7 ಗಂಟೆಗೆ ಮರುಪರಿಶೀಲನೆ ಮಾಡಿದಾಗ ಎಸಿ ಕೆಲಸ ಮಾಡುತ್ತಿಲ್ಲವೆಂಬುದನ್ನು ಗಮನಿಸಿದರು. ತಕ್ಷಣ ಬಿಲ್ಡಿಂಗ್ ಹೊರಭಾಗದಲ್ಲಿರುವ ಬಿಲ್ಲಿಂಗ್ ಏರಿಯಾವರೆಗೆ ಹೋಗಿ ಪರಿಶೀಲಿಸಿದಾಗ, ಅಳವಡಿಸಲಾಗಿದ್ದ ಕಾಪರ್ ಪೈಪ್ ಕಳ್ಳತನಗೊಂಡಿರುವುದು ಕಂಡುಬಂದಿತು.
ಕಳವಾದ pipe ಅನ್ನು ಎಸಿ ಬಿಲ್ಲಿಂಗ್ ಏರಿಯಾದಲ್ಲಿ ಅಳವಡಿಸಲಾಗಿದ್ದು, ಶ್ರಮಪಟ್ಟು ಅಳವಡಿಸಿದ ಈ pipe ನ ಮೌಲ್ಯವು ಸುಮಾರು ₹25,000 ಆಗಿದೆ. ಆಸ್ಪತ್ರೆಯ ಸಿಬ್ಬಂದಿ ಮತ್ತು ನಿರ್ವಾಹಕರು ಈ ಬಗ್ಗೆ ಶಂಕೆ ವ್ಯಕ್ತಪಡಿಸಿ, ಸೂಕ್ತ ತನಿಖೆ ನಡೆಸಿ ಕಳವಾದ pipe ಅನ್ನು ಪತ್ತೆಹಚ್ಚುವಂತೆ ಸಂಪಿಗೆಹಳ್ಳಿ ಪೊಲೀಸ್ ಇಲಾಖೆಗೂ ದೂರು ಸಲ್ಲಿಸಿದ್ದಾರೆ.
ಸಂಪಿಗೆಹಳ್ಳಿ ಪೊಲೀಸರು ಈ ಕುರಿತು ಪ್ರಕರಣ ದಾಖಲಿಸಿಕೊಂಡಿದ್ದು, ಕಳ್ಳತನದ ಹಿಂದೆ ಯಾರ ಕೈವಾಡವಿದೆ ಎಂಬುದರ ಬಗ್ಗೆ ತನಿಖೆ ಆರಂಭಿಸಿದ್ದಾರೆ. ಸಿಸಿಟಿವಿ ದೃಶ್ಯಾವಳಿಗಳ ಮೂಲಕ ಶಂಕಿತರ ಗುರುತಿನತ್ತ ಬೆಳಕು ಬೀರುವ ನಿರೀಕ್ಷೆಯಿದೆ
