ಹೆಲ್ಮೆಟ್ ಧರಿಸದೇ ಸ್ಕೂಟರ್ ಓಡಿಸಿದ ಯುವಕನ ದುರ್ಮರಣ
ಬೆಂಗಳೂರು, ಆಗಸ್ಟ್ 5 – ನಗರದಲ್ಲಿ ಮತ್ತೊಂದು ದುರಂತ ಸಂಭವಿಸಿದೆ. ಹೆಲ್ಮೆಟ್ ಧರಿಸದೇ ನಿರ್ಲಕ್ಷ್ಯದಿಂದ ಸ್ಕೂಟರ್ ಚಲಾಯಿಸಿದ್ದ 18 ವರ್ಷದ ಯುವಕನೊಬ್ಬ, ಅಪಘಾತಕ್ಕೊಳಗಾಗಿ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿರುವ ಘಟನೆ ಈಗಷ್ಟೇ ಬೆಳಕಿಗೆ ಬಂದಿದೆ.
ಘಟನೆ ಜುಲೈ 24, 2025 ರಂದು ಮಧ್ಯಾಹ್ನ 3.30ರ ಸುಮಾರಿಗೆ ನಡೆದಿದೆ. ಮಾಲಾ ಅವರ ಮಗ ದಿಲೀಪ್ ಕೆ ಬಿನ್ ಕುಮಾರ (18), ನಂಬರ್ KA-04-KS-0636 ಇರುವ ಸ್ಕೂಟರ್ನಲ್ಲಿ, ಹೆಲ್ಮೆಟ್ ಧರಿಸದೇ, ವೇಗವಾಗಿ ಮತ್ತು ನಿರ್ಲಕ್ಷತನದಿಂದ ಚಾಲನೆ ಮಾಡುತ್ತ ಸುಮಂಗಲಿ ಸೇವಾ ಆಶ್ರಮ ರಸ್ತೆಯ ಮುನಿಯಪ್ಪ ಲೇಔಟ್ ಹತ್ತಿರ ಹಂಸ್ ಬಳಿ ನಿಯಂತ್ರಣ ತಪ್ಪಿ ರಸ್ತೆ ಮೇಲೆ ಬಿದ್ದಿದ್ದಾರೆ. ಪರಿಣಾಮವಾಗಿ, ತಲೆಗೆ ಹಾಗೂ ಕಿವಿಗೆ ತೀವ್ರ ಪೆಟ್ಟು ಬಿದ್ದಿದ್ದು, ಗಾಯಗಳ ಪರಿಣಾಮವಾಗಿ ಅವರು ಮಾತನಾಡಲು ಸಾಧ್ಯವಾಗದೆ ಮನಸ್ಸು ತಿಳಿಯದ ಸ್ಥಿತಿಗೆ ತಲುಪಿದ್ದಾರೆ.
ಸ್ಥಳೀಯ ಸಾರ್ವಜನಿಕರು ಮತ್ತು ಕುಟುಂಬದ ಸದಸ್ಯರು ತಕ್ಷಣವೇ ದಿಲೀಪ್ರನ್ನು ವಿಜಯ ಕ್ಲಿನಿಕ್ ಗೆ ಕರೆದೊಯ್ದು, ಅಲ್ಲಿಂದ ತುರ್ತು ಚಿಕಿತ್ಸೆಗೆ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಿಸಿದ್ದರು. ಆದರೆ ಅಲ್ಲಿ ಐಸಿಯುನಲ್ಲಿ ಚಿಕಿತ್ಸೆ ನೀಡಿದರೂ ಅವರು ಚೇತರಿಸಿಕೊಳ್ಳಲಾಗದೇ, ಆಗಸ್ಟ್ 2, 2025 ರಂದು ಸಂಜೆ 5.47ಕ್ಕೆ ಮೃತಪಟ್ಟಿದ್ದಾರೆ ಎಂದು ವೈದ್ಯರು ದೃಢಪಡಿಸಿದ್ದಾರೆ.
ಅಪಘಾತದಲ್ಲಿ ತಾವು ಅಥವಾ ಇತರರು ಯಾರೂ ಭಾಗಿಯಾಗಿಲ್ಲವೆಂದು ತಿಳಿಸಿರುವ , ಪ್ರಕರಣ ಸ್ವಯಂ ಅಪಘಾತವಾಗಿರುವುದರಿಂದ ತಕ್ಷಣ ಎಂ.ಎಲ್.ಸಿ ಅಥವಾ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿರಲಿಲ್ಲ. ಇತ್ತೀಚೆಗೆ ಮಾತ್ರ ಅವರು ಕಾನೂನು ಕ್ರಮಗಳಿಗಾಗಿ ಪೊಲೀಸ್ ಠಾಣೆಗೆ ಹಾಜರಾಗಿ ದೂರು ಸಲ್ಲಿಸಿದ್ದಾರೆ.
ಈ ಘಟನೆ ಜನರಲ್ಲಿ ರಸ್ತೆ ಸುರಕ್ಷತಾ ನಿಯಮಗಳ ಪಾಲನೆಯ ಮಹತ್ವವನ್ನು ಮತ್ತೊಮ್ಮೆ ಎತ್ತಿಹೇಳಿದಂತಾಗಿದೆ. “ಹೆಲ್ಮೆಟ್ ಧರಿಸುವುದು ಕೇವಲ ಕಾನೂನು ನಿಯಮವಲ್ಲ, ಅದು ಜೀವ ಉಳಿಸುವ ಶಕ್ತಿ ಹೊಂದಿದೆ” ಎಂಬ ಅರಿವು ಪ್ರತಿಯೊಬ್ಬರಲ್ಲೂ ಮೂಡಬೇಕಾಗಿದೆ.
