ಆನ್ಲೈನ್ ಬೆಟ್ಟಿಂಗ್ ಹುಚ್ಚು – ವಿಶ್ವಾಸದ ಬೆಲೆ ಚಿನ್ನದ ಕಳ್ಳತನ!
ಆನ್ಲೈನ್ ಬೆಟ್ಟಿಂಗ್ ಹುಚ್ಚು – ವಿಶ್ವಾಸದ ಬೆಲೆ ಚಿನ್ನದ ಕಳ್ಳತನ!
ಜೆ.ಪಿ. ನಗರ ಪೊಲೀಸರಿಂದ ‘ಮಂಗಳ’ ಬಂಧನ – ಮಾಲಕಿ ಆಶಾ ಜಾಧವ್ ವಿಶ್ವಾಸಕ್ಕೆ ತಿಕ್ಕಿದ ಘೋರ ಧಕ್ಕೆ!
“ವಿಶ್ವಾಸವನ್ನು ಕಳವು ಮಾಡುವುದು ಅತಿದೊಡ್ಡ ಅಪರಾಧ” ಎನ್ನುವುದನ್ನು ಮತ್ತೊಮ್ಮೆ ಸಾಬೀತು ಮಾಡಿದ ಘಟನೆ ಇದು. ಜೆ.ಪಿ ನಗರದಲ್ಲಿರುವ ಪ್ರತಿಷ್ಠಿತ ನಿವಾಸದಲ್ಲಿ ಕೇರ್ಟೇಕರ್ ಯುವತಿ ಮಂಗಳ ತನ್ನ ಮಾಲಕಿಯ ವಿಶ್ವಾಸವನ್ನು ದುರುಪಯೋಗ ಮಾಡಿಕೊಂಡು ಚಿನ್ನ, ಬೆಳ್ಳಿ ಕಳವು ಮಾಡಿದ ಪ್ರಕರಣ ಬೆಳಕಿಗೆ ಬಂದಿದೆ.
ಸುಮಾರು 15 ವರ್ಷಗಳ ಹಿಂದೆ ಆಶಾ ಜಾಧವ್ ಅವರ ಮನೆಯಲ್ಲಿ ಕೆಲಸಕ್ಕೆ ಸೇರಿದ್ದ ಮಂಗಳ — ನಿಷ್ಠೆಯುಳ್ಳವಳು, ವಿಶ್ವಾಸಾರ್ಹೆ ಎಂದು ಎಲ್ಲರೂ ಹೇಳಿಕೊಂಡಿದ್ದರು. ಆಶಾ ಜಾಧವ್ ಅವರ ತಾಯಿಗೆ ವಯಸ್ಸಾಗಿತ್ತು, ಹಾಸಿಗೆ ಹಿಡಿದಿದ್ದರೂ ಮಂಗಳಳೇ ಅವರ ನೋಡಿಕೊಳ್ಳುತ್ತಿದ್ದಳು. ಪತಿ ಮೃತಪಟ್ಟಿದ್ದ ಆಶಾ ಅವರಿಗೆ ಮಕ್ಕಳು ಇರಲಿಲ್ಲ. ಕೋಟ್ಯಧಿಪತಿಯ ಆದರೂ ಒಂಟಿ ಜೀವನ. ಅದರಲ್ಲಿ ಮಂಗಳಳೇ ಆಕೆಗೆ ಮಗಳಂತೆ. ಇಷ್ಟೇ ಅಲ್ಲ — ಐದು ಕೋಟಿಯ ಮೌಲ್ಯದ ಮನೆಯನ್ನು ಕೂಡಾ ಮಂಗಳ ಹೆಸರಿಗೆ ವಿಲ್ ಮಾಡಿದ್ದರು!
ಆದರೆ ಕೆಲವು ವರ್ಷಗಳಿಂದ ಆನ್ಲೈನ್ ಬೆಟ್ಟಿಂಗ್ ಹುಚ್ಚು ಮಂಗಳಳನ್ನು ಹಿಡಿಯಿತು. ಪಬ್ಬು, ಪಾರ್ಟಿ, ಬಾಯ್ಫ್ರೆಂಡ್ಸ್ ಎಂದು ಅಸಭ್ಯ ಜೀವನಶೈಲಿ ಆರಂಭಿಸಿದ್ದಳು. ಸಾಲದಲ್ಲಿ ಮುಳುಗಿದ್ದಳು. ಆಶಾ ಜಾಧವ್ ಸ್ವತಃ ಆಕೆಯ ₹40 ಲಕ್ಷ ಸಾಲ ತೀರಿಸಿ, ಕೂಡಾ ಆಕೆಯ ಹೆಸರಿಗೆ ₹1.5 ಕೋಟಿ ಮನೆ ಬರೆದು ಕೊಟ್ಟಿದ್ದರು. ಆದರೂ ಆಕೆಯು ಮತ್ತೊಮ್ಮೆ ಆನ್ಲೈನ್ ವ್ಯಸನಕ್ಕೆ ಬಿದ್ದು ಮನೆ ಮಾರಾಟ ಮಾಡಿ ಹಣ ನಾಶ ಮಾಡಿದ್ದಳು.
ಸದ್ಯ ಆಶಾ ಜಾಧವ್ ವಾಸಿಸುತ್ತಿದ್ದ ₹5 ಕೋಟಿಯ ಮನೆಯ ವಿಲ್ ಕೂಡಾ ಮಂಗಳ ಹೆಸರಲ್ಲಿ ಇದ್ದು,
ಆದರೂ ವ್ಯಸನದಿಂದ ಕಂಗೆಟ್ಟ ಆಕೆ, ಒರಿಜಿನಲ್ ಕೀ ಬಳಸಿ ಚಿನ್ನ, ಬೆಳ್ಳಿ ಕಳವು ಮಾಡಿದಳು. ಆಕೆಯು ಕೀ ಅನ್ನು ನಿರ್ಜನ ಪ್ರದೇಶದಲ್ಲಿ ಎಸೆದು “ಕೀ ಕಳೆದುಹೋಯ್ತು” ಎಂದು ಸುಮ್ಮನಿದ್ದಳು.
ದೀಪಾವಳಿ ಹಬ್ಬದ ವೇಳೆಗೆ ಆಶಾ ಡೂಪ್ಲಿಕೇಟ್ ಕೀ ಮೂಲಕ ಲಾಕರ್ ತೆರೆದಾಗ, 450 ಗ್ರಾಂ ಚಿನ್ನ ಮತ್ತು 3 ಕೆ.ಜಿ. ಬೆಳ್ಳಿ ಕಣ್ಮರೆಯಾಗಿರುವುದು ಪತ್ತೆ!
