ಆಟೋ ಚಾಲಕ ಮೂರ್ತಿ ಕಾಣೆ: ಕುಟುಂಬದಲ್ಲಿ ಆತಂಕದ ವಾತಾವರಣ
ಬೆಂಗಳೂರು, ಜುಲೈ 4, 2025: ನಗರದ ನಿವಾಸಿಯಾದ ಆಟೋ ಚಾಲಕ ಜಿ.ಮೂರ್ತಿ (54) ಕಳೆದ ಕೆಲವು ದಿನಗಳಿಂದ ಕಾಣೆಯಾಗಿದ್ದು, ಈ ಬಗ್ಗೆ ಪತ್ನಿಯವರು ಸೋಲದೇವನಹಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
ಪೊಲೀಸರ ಪ್ರಾಥಮಿಕ ಮಾಹಿತಿಯ ಪ್ರಕಾರ, ಮೂರ್ತಿ ಅವರು ದಿನಾಂಕ 29 ಜೂನ್ 2025 ರಂದು ಬೆಳಿಗ್ಗೆ ಸುಮಾರು 08:00 ಗಂಟೆಗೆ ತಮ್ಮ ಮೊಬೈಲ್ನ್ನು ಮನೆಯಲ್ಲೇ ಬಿಟ್ಟು ಹೊರಗೆ ತೆರಳಿದ್ದು, ಬಳಿಕ ಮನೆಗೆ ಹಿಂದಿರುಗಿಲ್ಲ. ಆತಂಕಗೊಂಡ ಕುಟುಂಬದವರು ತಕ್ಷಣವೇ ತಮ್ಮ ಆತ್ಮೀಯರು ಮತ್ತು ಪರಿಚಿತರ ಮನೆಗಳಲ್ಲಿ ಹುಡುಕಾಟ ನಡೆಸಿದರೂ ಯಾವುದೇ ಸುಳಿವು ಸಿಕ್ಕಿಲ್ಲ.
ಕಾಣೆಯಾಗಿರುವ ಮೂರ್ತಿ ಅವರ ವಿವರಗಳು ಈ ಕೆಳಗಿನಂತಿವೆ:
ಹೆಸರು: ಜಿ. ಮೂರ್ತಿ
ವಯಸ್ಸು: 54 ವರ್ಷ
ಎತ್ತರ: 5.5 ಅಡಿ
ಮೈಬಣ್ಣ: ಕಪ್ಪು
ಶರೀರದ ಸ್ಥಿತಿ: ಸದೃಢ
ಕೂದಲು: ಕಪ್ಪು
ಧರಿಸಿದ್ದ ಬಟ್ಟೆ: ಬಿಳಿ ಬಣ್ಣದ ಶರ್ಟ್ ಹಾಗೂ ಕಪ್ಪು ಬಣ್ಣದ ಪ್ಯಾಂಟ್
ಮಾತನಾಡುವ ಭಾಷೆಗಳು: ಕನ್ನಡ, ಹಿಂದಿ, ಇಂಗ್ಲಿಷ್, ತೆಲುಗು
