ಜಮೀನಿನ ಹಕ್ಕು ಸಂಬಂಧದ ನಕಲಿ ದಾಖಲೆ: ತಮ್ಮಂದಿರಿಂದಲೇ ರೈತರಿಗೆ ಮೋಸ
!
ಬೆಂಗಳೂರು, ಜುಲೈ 6. 2025
ಹೆಸರಘಟ್ಟ ಹೋಬಳಿಯ ಕಕ್ಕೆಹಳ್ಳಿ ಗ್ರಾಮದಲ್ಲಿ ಸಂಬಂಧಿಕರಿಂದಲೇ ಜಮೀನಿನ ಹಕ್ಕು ಸಂಬಂಧಿತ ದಾಖಲೆಗಳನ್ನು ನಕಲಿ ಮಾಡಿ ಮೋಸ ಮಾಡಿದ ಆರೋಪದ ಮೇಲೆ ನಾಲ್ವರು ವಿರುದ್ಧ ಎಫ್ಐಆರ್ ದಾಖಲಾಗಿದೆ.
ಚಿಕ್ಕೇಗೌಡ ಅವರು ರಾಜನಕುಂಟೆ ಪೊಲೀಸ್ ಠಾಣೆಗೆ ಮದ್ಯಾಹ್ನ 12:45ಕ್ಕೆ ಹಾಜರಾಗಿ ನೀಡಿದ ದೂರಿನ ಪ್ರಕಾರ, ಅವರು ರೈತರಾಗಿದ್ದು, ತಮ್ಮ ತಂದೆ ಲೇಟ್ ಹನುಮಯ್ಯ ಮತ್ತು ತಾಯಿ ಗಂಗಮ್ಮ ಅವರಿಗೆ ಐದು ಮಕ್ಕಳು ಇದ್ದರು. ಅವರ ತಮ್ಮ ಮಂಜುನಾಥ್, ನಾಗರಾಜ್ ಮತ್ತು ತಂಗಿ ಸುನಂದ ಸೇರಿ, ಖಾಲಿ ಪತ್ರದಲ್ಲಿ ಸಹಿ ಹಾಕಿಸಿಕೊಂಡು ಅದನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ.
ನಕಲಿ ಜಿಪಿಎ ರೂಪಿಸಿ ಜಮೀನಿನ ವರ್ಗಾವಣೆ
ಚಿಕ್ಕೇಗೌಡರ ಪ್ರಕಾರ, ಅವರು ಓದಿಲ್ಲದ ಖಾಲಿ ಕಾಗದದಲ್ಲಿ ಸಹಿ ಹಾಕಿದ ನಂತರ, ಮಂಜುನಾಥ್ ಹಾಗೂ ಟಿ.ಎಚ್. ನಾಗರಾಜ್ ಅವರು ನಕಲಿ ಜಿಪಿಎ ಸೃಷ್ಟಿಸಿ 2025ರ ಮಾರ್ಚ್ 11ರಂದು ತಾಯಿ ಗಂಗಮ್ಮರ ಸಹಿ ಎಂದು ಕತ್ರೀ ಪತ್ರವನ್ನು ಹಾಕಿ, ಬೆಂಗಳೂರು ಉತ್ತರ ಉಪವಿಭಾಗಾಧಿಕಾರಿಗಳ ಬಳಿ ಜಮೀನನ್ನು ತಮ್ಮ ಹೆಸರಿಗೆ ಖಾತೆ ಮಾಡಿಸಿಕೊಂಡಿದ್ದಾರೆ.
ನ್ಯಾಯಬಾಹಿರವಾಗಿ ಮಾರಾಟ
ಅವರಲ್ಲಿ ಕೆಲವರು ನಂತರ ತಮಗೆ ಸೇರಿದಂತೆ ತೋರಿಸಿ, ಸರ್ವೆ ನಂ. 59/8 (32 ಗುಂಟೆ), 59/10 (10.08 ಗುಂಟೆ) ಜಮೀನನ್ನು ತಮ್ಮ ಹೆಸರಿನಲ್ಲಿ ವಹಿಸಿಕೊಂಡು, ಕೆಲ ಜಮೀನುಗಳನ್ನು ಮಂಜುನಾಥ್ ಪತ್ನಿ ಸುಶೀಲಮ್ಮ ಹೆಸರಿನಲ್ಲಿ ಮಾರಾಟ ಮಾಡಿದ್ದಾರೆ.
ಮೃತ ಸಹೋದರರ ಸಹಿ ಬಳಸಿದ ಆರೋಪ
ಮಹತ್ವದ ವಿಚಾರವೆಂದರೆ, ಈ ಜಮೀನಿನ ಒಪ್ಪಂದದಲ್ಲಿ 3ನೇ ಸಹೋದರ ಹೇಮಣ್ಯ ಅವರು 2024 ರಲ್ಲಿ ಮೃತಪಟ್ಟಿದ್ದರೂ ಸಹ ಅವರ ಸಹಿ ಕೂಡ ದಾಖಲಾಗಿದೆ. ಇದು ನಕಲಿ ಸಹಿ ಇರಬಹುದೆಂಬ ಗಂಭೀರ ಆರೋಪಕ್ಕೆ ಕಾರಣವಾಗಿದೆ.
ಆರೋಪಿಗಳ ವಿರುದ್ಧ ಕಾನೂನು ಕ್ರಮ
ಪೀಡಿತರು ನೀಡಿದ ದೂರಿನ ಆಧಾರದಲ್ಲಿ, ಮಂಜುನಾಥ್, ಟಿ.ಎಚ್. ನಾಗರಾಜ್, ಸುಶೀಲಮ್ಮ ಮತ್ತು ಶ್ರೀನಿವಾಸ ಎಂಬುವರ ವಿರುದ್ಧ BNS ಸೆಕ್ಷನ್ 316(2), 318(4), 336(2) r/w 3(5) ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಲಾಗಿದೆ.
ರಾಜನಕುಂಟೆ ಪೊಲೀಸರ ತನಿಖೆ ಮುಂದುವರಿದಿದ್ದು, ಚಿಕ್ಕೇಗೌಡ ರವರಿಗೆ ನ್ಯಾಯ ಒದಗಿಸುವ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ.
