ಸುರದೇನುಪುರ ಗೇಟ್ ಬಳಿ ಬೈಕ್ ದಾಳಿ: ಮಹಿಳೆಯ ಕತ್ತಿನಲ್ಲಿದ್ದ ಚಿನ್ನದ ಮಾಂಗಲ್ಯ ದೋಚಿದ ದುಷ್ಕರ್ಮಿ ಪರಾರಿಯಾಗಿದ್ದಾನೆ
ಬೆಂಗಳೂರು, ಜುಲೈ 10 2025
ದೊಡ್ಡಬಳ್ಳಾಪುರ-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ ಬಳಿ ಇರುವ ಸುರದೇನುಪುರ ಗೇಟ್ ಸಮೀಪ ಇಂದು ಮಧ್ಯಾಹ್ನ ಸಂಭವಿಸಿದ ಚೈನ್ ಸ್ನಾಚಿಂಗ್ ಪ್ರಕರಣದಿಂದ ಸ್ಥಳೀಯ ನಿವಾಸಿಗಳು ಬೆಚ್ಚಿಬಿದ್ದಿದ್ದಾರೆ. ಬೈಕ್ನಲ್ಲಿ ಪತಿ ಹಾಗೂ ಮಗಳೊಂದಿಗೆ ತೆರಳುತ್ತಿದ್ದ ಮಹಿಳೆಯೊಬ್ಬರ ಕತ್ತಿನಲ್ಲಿ ಇದ್ದ ಚಿನ್ನದ ಮಾಂಗಲ್ಯ ಸರವನ್ನು ದುಷ್ಕರ್ಮಿಯೊಬ್ಬ ಬೈಕ್ನಿಂದ ಬಂದು ಬಲವಂತವಾಗಿ ಕಿತ್ತು ಪರಾರಿಯಾದ ಘಟನೆ ವರದಿಯಾಗಿದೆ.
ಶ್ರೀಮತಿ ಹಸ ಅವರು ತಮ್ಮ ಗಂಡ ಕಿರಣ್ ಕುಮಾರ್ ಮತ್ತು ಮಗಳು ರೇಖಾ ಅವರೊಂದಿಗೆ ಹುಣಸಮಾರನಹಳ್ಳಿಯ ಶ್ರೀ ಕೃಷ್ಣದೇವರಾಯ ಡೆಂಟಲ್ ಆಸ್ಪತ್ರೆ ಕಡೆಗೆ ಹೊರಟಿದ್ದರು. ಇವರು KA-43-V-2508 ನಂಬರಿನ ಬೈಕ್ನಲ್ಲಿ ಸಾಗುತ್ತಿದ್ದಾಗ, ಮಧ್ಯಾಹ್ನ ಸುಮಾರು 1:45 ಗಂಟೆ ಸಮಯಕ್ಕೆ, ಹಿಂಬದಿಯಿಂದ ಅತಿವೇಗವಾಗಿ ಬಂದ ಬೈಕ್ ಸವಾರನು ಅವರ ಕತ್ತಿಗೆ ಕೈ ಹಾಕಿ ಚಿನ್ನದ ಮಾಂಗಲ್ಯ ಸರವನ್ನು ಕಿತ್ತುಕೊಂಡು ಬೆಂಗಳೂರು ಕಡೆಗೆ ಓಡಿದನು.
ಕದ್ದ ಚಿನ್ನದ ಸರದಲ್ಲಿ – ಮಾಂಗಲ್ಯ, ಎರಡು ಲಕ್ಷ್ಮಿ ನಾಣ್ಯಗಳು, ನಾಲ್ಕು ಕಾಸು ಗುಂಡುಗಳು ಸೇರಿ ಒಟ್ಟು 25 ಗ್ರಾಂ ತೂಕವಿತ್ತು. ಇದರ ಮೌಲ್ಯವನ್ನು ಸುಮಾರು ₹2,00,000 ಎಂದು ಅಂದಾಜಿಸಲಾಗಿದೆ. ದುಷ್ಕರ್ಮಿಯು ಸುಮಾರು 30 ವರ್ಷ ವಯಸ್ಸಿನ ಯುವಕನಾಗಿದ್ದು, ಅಪರಿಚಿತ ಬೈಕ್ನಲ್ಲಿ ಇತ್ತು ಎಂದು ಹಂಸ ಅವರು ತಿಳಿಸಿದ್ದಾರೆ.
ಹಂಸ ಅವರ ಪ್ರಕಾರ: ಈ ಸಂಬಂಧ ಫೈರ್ ನಂ. 198/2025 ಅನ್ನು ರಾಜನಕುಂಟೆ ಪೊಲೀಸ್ ಠಾಣೆಯಲ್ಲಿ ದಾಖಲಿಸಲಾಗಿದ್ದು, ಪ್ರಕರಣವನ್ನು ಭದ್ರತಾ ಕಾಯ್ದೆ ಸೆಕ್ಷನ್ 309(4) 2012 ಅಡಿಯಲ್ಲಿ ದಾಖಲಾಗಿಸಲಾಗಿದೆ.
: ಪೊಲೀಸರು ಸ್ಥಳ ಪರಿಶೀಲನೆ ನಡೆಸಿ ಸಿಸಿ ಟಿವಿ ದೃಶ್ಯಾವಳಿ ಸಂಗ್ರಹಿಸಿ ತನಿಖೆ ಆರಂಭಿಸಿದ್ದು, ಶೀಘ್ರದಲ್ಲಿ ಆರೋಪಿಯನ್ನು ಪತ್ತೆ ಹಚ್ಚಲಾಗುತ್ತದೆ ಎಂಬ ನಂಬಿಕೆ ವ್ಯಕ್ತಪಡಿಸಿದ್ದಾರೆ.
ಸಾರ್ವಜನಿಕರಿಗೊಂದು ಎಚ್ಚರಿಕೆ: ಚಿನ್ನಾಭರಣ ಧರಿಸಿ ಸಾರ್ವಜನಿಕ ಸಾರಿಗೆ ಅಥವಾ ಬೈಕ್ನಲ್ಲಿ ತೆರಳುವ ವೇಳೆ ಎಚ್ಚರಿಕೆಯಿಂದ ವರ್ತಿಸುವಂತೆ ಪೊಲೀಸರು ವಿನಂತಿಸಿದ್ದಾರೆ.
