ಯಲಹಂಕ ಡಿ ಮಾರ್ಟ್ ಬಳಿ ಬೈಕ್ ಡಿಕ್ಕಿ: 72 ವರ್ಷದ ಹಿರಿಯರಿಗೆ ತೀವ್ರ ಗಾಯ
ಯಲಹಂಕ, ಜುಲೈ 10 – 2025
ಯಲಹಂಕ ಉಪನಗರದಲ್ಲಿರುವ ಡಿ ಮಾರ್ಟ್ ಹತ್ತಿರದ ರಸ್ತೆಯಲ್ಲಿ ಅತಿವೇಗ ಮತ್ತು ಅಜಾಗರೂಕ ಚಾಲನೆಯಿಂದಾಗಿ ಸಂಭವಿಸಿದ ಬೈಕ್ ಅಪಘಾತದಲ್ಲಿ 72 ವರ್ಷದ ಹಿರಿಯ ನಾಗರಿಕ ಶಿವಣ್ಣ ಎಸ್. ಅವರಿಗೆ ತೀವ್ರ ಗಾಯವಾಗಿರುವ ಘಟನೆ ಮಂಗಳವಾರ ಬೆಳಿಗ್ಗೆ 4.30ರ ಸುಮಾರಿಗೆ ನಡೆದಿದೆ.
ಪ್ರತ್ಯಕ್ಷದರ್ಶಿಗಳ ಮಾಹಿತಿ ಪ್ರಕಾರ, ಡೈರಿ ಸರ್ಕಲ್ ಕಡೆಯಿಂದ ಅತಿವೇಗವಾಗಿ ಬಂದ ಯಮಹ ಎಂ.ಟಿ-15 ಬೈಕ್ (ನಂಬರ್ ಕೆ.ವಿ.52.ಎಕ್ಸ್.0347) ಸವಾರ ಯಶಸಿ ರಸ್ತೆ ದಾಟುತ್ತಿದ್ದ ಶಿವಣ್ಣ ಎಸ್. ಅವರಿಗೆ ಡಿಕ್ಕಿ ಹೊಡೆದಿದ್ದಾರೆ. ಈ ಅಪಘಾತದಿಂದ ಅವರು ರಸ್ತೆಯ ಮೇಲೆ ಬಿದ್ದು ಬಲಭುಜ ಮತ್ತು ಎಡಗಾಲಿಗೆ ತೀವ್ರವಾಗಿ ಪೆಟ್ಟು ಬಿದ್ದು ಮೂಳೆ ಮುರಿದಿದೆ.
ಘಟನೆ ನಡೆದ ನಂತರ ಸಾರ್ವಜನಿಕರು ತಕ್ಷಣವೇ ಗಾಯಾಳು ಶಿವಣ್ಣ ಎಸ್. ಹಾಗೂ ಬೈಕ್ ಸವಾರ ಯಶಸಿ ಮತ್ತು ಹಿಂಬದಿ ಸವಾರ ಹಿತೇಶ್ ಜಿ. ಅವರನ್ನು ನಿಕಟದ ಈತಾ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಗಾಯಾಳು ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಈ ಸಂಬಂಧ ಯಶಸಿ ವಿರುದ್ಧ ಅತಿವೇಗ ಹಾಗೂ ಅಜಾಗರೂಕ ಚಾಲನೆ ಆರೋಪದ ಮೇರೆಗೆ ಯಲಹಂಕ ಸಂಚಾರಿ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದ್ದು, ಪ್ರಕರಣ ತನಿಖೆಯಲ್ಲಿದೆ.
