ನಂದಿಧುರ್ಗಾ ಮುಖ್ಯರಸ್ತೆಯಲ್ಲಿ ರಸ್ತೆ ತಡೆಯುತ್ತಿದ್ದ ಜೆಸಿಬಿ ವಿರುದ್ಧ ಕ್ರಮ
ನಂದಿಧುರ್ಗಾ ಮುಖ್ಯರಸ್ತೆಯಲ್ಲಿ ಭಾರೀ ಸಂಚಾರ ದಟ್ಟಣೆಗೆ ಕಾರಣವಾದ ಜೇಸಿಬಿ ವಾಹನದ ಮಾಲೀಕರ ವಿರುದ್ಧ ಪೊಲೀಸರು ಕಾನೂನು ಕ್ರಮ ಕೈಗೊಂಡಿದ್ದಾರೆ.
ಬುಧವಾರ ಬೆಳಿಗ್ಗೆ 08:30 ಗಂಟೆಯ ಸುಮಾರಿಗೆ, ಪೀಕ್ ಅವರ್ಸ್ ಸಮಯದಲ್ಲಿ ನಂದಿಧುರ್ಗಾ ಮುಖ್ಯರಸ್ತೆ 2ನೇ ಕ್ರಾಸ್, ಇಂಡಸ್ ಬ್ಯಾಂಕ್ ಮತ್ತು ಮಿಯಾನ್ ನ್ಯಾನರ್ ಅಪಾರ್ಟ್ಮೆಂಟ್ ಹತ್ತಿರ JCB ವಾಹನ ನಂ. KA-02-MV-4929 ಅನ್ನು ನಿಲ್ಲಿಸಿ ರಸ್ತೆ ಅಗೆಯಲಾಗುತ್ತಿತ್ತು. ಈ ವಾಹನವನ್ನು ರಸ್ತೆ ಮೇಲೆ ನಿಲ್ಲಿಸುವ ಮೂಲಕ ಇತರ ವಾಹನಗಳ ಸಂಚಾರಕ್ಕೆ ತೀವ್ರ ಅಡಚಣೆ ಉಂಟಾಗಿತ್ತು.
ಘಟನೆ ವೇಳೆ ಗಸ್ತು ಕರ್ತವ್ಯದಲ್ಲಿದ್ದ ಪೊಲೀಸ್ ಅಧಿಕಾರಿ ಸ್ಥಳಕ್ಕೆ ಧಾವಿಸಿ ವಿಚಾರಣೆ ನಡೆಸಿದಾಗ, JCB ಯ ಮಾಲೀಕರ ಹೆಸರು ವೆಂಕಟೇಶ್ ಬಿನ್ ವಿಜಯ್ ಕುಮಾರ್ (29), ನಿವಾಸಿ: ಕೆಂಪೇಗೌಡ ಲೇಔಟ್, ಲಗ್ನರ ಔಟರ್ ರಿಂಗ್ ರೋಡ್, ಬೆಂಗಳೂರು ಎಂದು ಗೊತ್ತಾಯಿತು.
ಸಾರ್ವಜನಿಕರ ಸುಗಮ ಸಂಚಾರಕ್ಕೆ ತೊಂದರೆಯನ್ನುಂಟು ಮಾಡಿದ ಕಾರಣ, ಪೊಲೀಸರು ವೆಂಕಟೇಶ್ ಅವರ ವಿರುದ್ಧ ಸಂಬಂಧಿತ ಕಾನೂನು ವಿಧಿಗಳಂತೆ ಪ್ರಕರಣ ದಾಖಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.
