ಬೆಂಗಳೂರು ನಗರದಲ್ಲಿ 21 ವರ್ಷದ ಯುವತಿ ನಾಪತ್ತೆ: ತಾಯಿ ನೀಡಿದ ದೂರಿನ ಮೇಲೆ ತನಿಖೆ ಆರಂಭ
ಬೆಂಗಳೂರು, ಆಗಸ್ಟ್ 5:2025
ಬೆಂಗಳೂರಿನ ಯಲಹಂಕದಲ್ಲಿರುವ ಮಹಿಳೆ ನೀಡಿದ ದೂರಿನ ಮೇರೆಗೆ 21 ವರ್ಷದ ಯುವತಿ ನಾಪತ್ತೆಯಾಗಿರುವ ಬಗ್ಗೆ ಯಲಹಂಕ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.
ಪಿರ್ಯಾದಿದಾರರು ಮೂಲತಃ ಕಲಬುರ್ಗಿ ಜಿಲ್ಲೆಯವರು. ಸುಮಾರು ಐದು ವರ್ಷಗಳ ಹಿಂದೆ ಕುಟುಂಬದೊಂದಿಗೆ ಬೆಂಗಳೂರಿಗೆ ಬಂದು ಬಾಡಿಗೆ ಮನೆಯೊಂದರಲ್ಲಿ ವಾಸವಿದ್ದಾರೆ. ಕುಟುಂಬದಲ್ಲಿ ಗಂಡ ಹಾಗೂ ಮೂರು ಮಕ್ಕಳು ಇದ್ದು, ಪಿರ್ಯಾದಿದಾರರು ಹಾಗೂ ಅವರ ಮಗಳು ನಾಗರತ್ನ ಇಬ್ಬರೂ ಡೆಲ್ಲಿ ಪಬ್ಲಿಕ್ ಸ್ಕೂಲ್ನಲ್ಲಿ ಹೌಸ್ ಕೀಪಿಂಗ್ ಕೆಲಸ ಮಾಡುತ್ತಿದ್ದರೆಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
ನಾಗರತ್ನವು ಎರಡು ವರ್ಷಗಳ ಹಿಂದೆ ತನ್ನ ಮಾವನ ಮಗನಾದ ನಾಗರಾಜ್ ಅವರೊಂದಿಗೆ ಮದುವೆಯಾಗಿದ್ದು, ಮದ್ಯಪಾನ ದುರಾಸೆಯ ಕಾರಣದಿಂದ ಗಂಡನನ್ನು ಬಿಟ್ಟು ಕಳೆದ ಒಂದು ವರ್ಷದಿಂದ ತಾಯಿಯೊಂದಿಗೆ ವಾಸಿಸುತ್ತಿದ್ದಳು.
ದಿನಾಂಕ 30.07.2025 ರಂದು, ನಾಗರತ್ನ ಕೆಲಸಕ್ಕೆ ಹೋಗದೆ ಮನೆಯಲ್ಲಿ ಇರುತ್ತಿದ್ದರೆಂದು ತಾಯಿ ತಿಳಿಸಿದ್ದಾರೆ. ಆದರೆ ಅದೇ ಸಂಜೆ ಮನೆಗೆ ಬಂದ ತಾಯಿ, ಮಗಳು ನಾಪತ್ತೆಯಾಗಿರುವುದು ಗಮನಿಸಿದ್ದಾರೆ. ಸಂಬಂಧಿಕರೊಂದಿಗೆ ಸಂಪರ್ಕ ನಡೆಸಿದರೂ ಯಾರಿಗೂ ಮಗಳು ಬಂದಿಲ್ಲವೆಂದು ತಿಳಿದು ಬಂದಿದೆ.
ಇದನ್ನು ಗಮನದಲ್ಲಿಟ್ಟುಕೊಂಡು ತಾಯಿ ದಿನಾಂಕ 02.08.2025 ರಂದು ಯಲಹಂಕ ಪೊಲೀಸ್ ಠಾಣೆಗೆ ದೂರನ್ನು ನೀಡಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ತನಿಖೆ ಕೈಗೊಂಡಿದ್ದಾರೆ.
ಯುವತಿ ನಾಗರತ್ನ, 21 ವರ್ಷ, ಬೆಂಗಳೂರಿನ ಯಲಹಂಕ ಭಾಗದಿಂದ ನಾಪತ್ತೆಯಾಗಿದ್ದು, ಸಾರ್ವಜನಿಕರು ಈಕೆಯ ಬಗ್ಗೆ ಮಾಹಿತಿ ಹೊಂದಿದ್ದರೆ ಸ್ಥಳೀಯ ಠಾಣೆಗೆ ತಿಳಿಸಬೇಕೆಂದು ಪೊಲೀಸರು ಮನವಿ ಮಾಡಿದ್ದಾರೆ.
