ಮಧ್ಯರಾತ್ರಿ ಮನೆ ಕಳ್ಳತನ – ಚಿನ್ನಾಭರಣ ಹಾಗೂ ನಗದು ಕಳವು
ಬೆಂಗಳೂರು ನಗರದ
ತೋಟದಹಳ್ಳಿ ನಿವಾಸಿಯೊಬ್ಬರ ಮನೆಯಲ್ಲಿ ಮಧ್ಯರಾತ್ರಿ ಕಳ್ಳತನ ನಡೆದಿರುವ ಘಟನೆ ವರದಿಯಾಗಿದೆ. ಕುಟುಂಬದ ಹಿರಿಯರಾದ ಶ್ರೀ ಟಿ. ಮಹಬೂಬ್ ಸಾಹೇಬ್ ಅವರ ಮನೆಗೆ ಕಳ್ಳರು ನುಗ್ಗಿ ಚಿನ್ನಾಭರಣ ಮತ್ತು ನಗದು ಕಸಿದುಕೊಂಡು ಹೋಗಿದ್ದಾರೆ.
ಮೆಹಬೂಬ್ ಸಾಹೇಬ್ ರವರು ನೀಡಿದ ಮಾಹಿತಿಯಂತೆ, ದಿನಾಂಕ 14 ಜುಲೈ 2025 ರಂದು ಮಧ್ಯಾಹ್ನ 12:30 ಗಂಟೆಗೆ ಅವರು ತಮ್ಮ ಪತ್ನಿಯನ್ನು ಮಗಳ ಮನೆಗೆ ಬಿಟ್ಟು ವಾಪಸ್ಸು ಮನೆಗೆ ಬಂದಿದ್ದರು. ರಾತ್ರಿ 09:50 ಗಂಟೆಗೆ ಮನೆ ಬಾಗಿಲು ಲಾಕ್ ಮಾಡಿ ಮಲಗಿದ್ದರು.
ಆದರೆ 15 ಜುಲೈ ಬೆಳಗಿನ ಜಾವ ಸುಮಾರು 01:30ರ ಸುಮಾರಿಗೆ ಕಿತ್ತಳೆ ಗಾಡಿಯ ಸ್ಟಾರ್ಟ್ ಶಬ್ದ ಕೇಳಿದಾಗ ಎಚ್ಚರವಾಗಿ ಬಾಗಿಲ ಬಳಿ ಬಂದಾಗ, ಒಬ್ಬ ಅಪರಿಚಿತ ವ್ಯಕ್ತಿ ಕಾಂಪೌಂಡ್ ಹಾರಿ ಓಡಿರುವುದನ್ನು ದರ್ಶಿಸಿದ್ದಾರೆ. ಬಳಿಕ ಮನೆ ಒಳಗೆ ಬಂದು ನೋಡಿದಾಗ ಹಾಲ್ ಹಾಗೂ ಎರಡು ರೂಮ್ಗಳ ಕಬೋರ್ಡ್ಗಳು ಮತ್ತು ಬೆಡ್ನಲ್ಲಿದ್ದ ವಸ್ತುಗಳು ಚೆಲ್ಲಾಪಿಲ್ಲೆಯಾಗಿದ್ದವು.
ಪತ್ನಿಯ 4 ಗ್ರಾಂ ಚಿನ್ನದ ಓಲೆ ಹಾಗೂ ₹17,000 ನಗದು ಹಣ ಕಳವಾಗಿರುವುದು ದೃಢಪಟ್ಟಿದೆ. ಕಳ್ಳರು ಬಾಗಿಲು ಪಕ್ಕದ ಕಿಟಕಿಯಿಂದ ಕೈ ಹಾಕಿ ಒಳಗಿನಿಂದ ಲಾಕ್ ತೆರೆಯುವ ಮೂಲಕ ಮನೆಯೊಳಗೆ ಪ್ರವೇಶಿಸಿ, ಒಟ್ಟು ಸುಮಾರು ₹40,000 ಮೌಲ್ಯದ ವಸ್ತುಗಳನ್ನು ಕಳ್ಳತನ ಮಾಡಿದ್ದಾರೆ.
ಘಟನೆ ಬಗ್ಗೆ ತಕ್ಷಣವೇ ಪತ್ನಿಗೆ ತಿಳಿಸಿ, ನಂತರ ಪೊಲೀಸ್ ಕಂಟ್ರೋಲ್ ರೂಮ್ಗೆ ಕರೆಮಾಡಿ ಮಾಹಿತಿ ನೀಡಲಾಗಿದೆ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಈ ಸಂಬಂಧ ಕಾನೂನು ಕ್ರಮ ಜರುಗಿಸಲಾಗುತ್ತಿದೆ.
