ವಿದೇಶಿ ಪ್ರಜೆಗಳಿಂದ ಕೋಟ್ಯಂತರ ಮೌಲ್ಯದ ಮಾದಕ ವಸ್ತು ಜಪ್ತಿ: ಇಬ್ಬರು ಆರೋಪಿಗಳು ಬಂಧನ
ಬೆಂಗಳೂರು ಗ್ರಾಮಾಂತರ – 9 ಜುಲೈ 2025:
ರಾಜಾನುಕುಂಟೆ ಪೊಲೀಸ್ ಠಾಣೆ ವ್ಯಾಪ್ತಿಯ ಗಾನಹಳ್ಳಿ ಗ್ರಾಮದಲ್ಲಿ ಅಕ್ರಮವಾಗಿ ಮಾದಕ ವಸ್ತುಗಳನ್ನು ಸಂಗ್ರಹಿಸಿದ್ದ ಇಬ್ಬರು ವಿದೇಶಿ ಪ್ರಜೆಗಳನ್ನು ಪೊಲೀಸರು ಬಂಧಿಸಿ, ಸುಮಾರು 4.5 ಕೋಟಿ ರೂಪಾಯಿ ಮೌಲ್ಯದ ಮಾದಕ ಪದಾರ್ಥಗಳನ್ನು ವಶಕ್ಕೆ ಪಡೆದಿದ್ದಾರೆ.
ಸ್ಥಳೀಯರು ನೀಡಿದ ಮಾಹಿತಿಯ ಆಧಾರದ ಮೇಲೆ, ರಾಜಾನುಕುಂಟೆ ಪೊಲೀಸ್ ಠಾಣೆಯ ಇನ್ಸ್ಪೆಕ್ಟರ್ ರವರ ನೇತೃತ್ವದಲ್ಲಿ ನಡೆದ ಈ ಕಾರ್ಯಾಚರಣೆ, 6 ಜುಲೈ 2025 ರಂದು ಮಧ್ಯಾಹ್ನ ನಡೆದಿದ್ದು, ಡೊಡ್ಡಬಳ್ಳಾಪುರ ಉಪವಿಭಾಗದ ಪೊಲೀಸ್ ಉಪಾಧೀಕ್ಷಕರ ಅನುಮತಿ ಪಡೆದು ಶೋಧನಾ ಕಾರ್ಯ ನಡೆದಿದೆ.
ಬಂಧಿತ ಆರೋಪಿಗಳು:
- ಅಲಸೋನ್ಯೆ ಪೀಟರ್ ಒಬಿಯೋಮಾ, ವಯಸ್ಸು 35, ನೈಜೀರಿಯಾದವರು
- ಸಂಡೇ ವಿಜ್ಡಮ್ @ ಜಾನ್ ವಿಕ್ಟರ್ ಅಂಬೋಮೋ, ವಯಸ್ಸು 28, ನೈಜೀರಿಯಾದವರು
ಪೊಲೀಸರ ದಾಳಿ ವೇಳೆ ವಶಪಡಿಸಿಕೊಂಡ ವಸ್ತುಗಳು:
2.82 ಕೆ.ಜಿ. Methamphetamine (MDMA) ಕ್ರಿಸ್ಟಲ್ – ಅಂದಾಜು ಮೌಲ್ಯ ₹4.2 ಕೋಟಿ
200 ಗ್ರಾಂ ಗಾಂಜಾ – ಅಂದಾಜು ಮೌಲ್ಯ ₹30 ಲಕ್ಷ
₹2,06,870 ನಗದು
7 ಮೊಬೈಲ್ ಫೋನ್ಗಳು
2 ತೂಕ ತೋರಿಸುವ ಯಂತ್ರಗಳು
4 ಬಂಡಲ್ ಪ್ಲಾಸ್ಟಿಕ್ ಪ್ಯಾಕ್ ಕವರ್
ಈ ಮಾದಕ ವಸ್ತುಗಳನ್ನು ಆರೋಪಿಗಳು ಬಾಡಿಗೆ ಮನೆಯಲ್ಲಿಯೇ ಸಂಗ್ರಹಿಸಿ ಸಾರ್ವಜನಿಕರಿಗೆ ಮಾರಾಟ ಮಾಡಲು ಮುಂದಾಗಿದ್ದರು ಎಂಬುದು ರಾಜನಕುಂಟೆ ಪೊಲೀಸರ ತನಿಖೆಯಿಂದ ತಿಳಿದುಬಂದಿದೆ. ಶೋಧನಾ ವೇಳೆ ಈ ಸಂಪೂರ್ಣ ಪ್ರಕ್ರಿಯೆಯನ್ನು ಪಂಚಸಾಕ್ಷಿಗಳ ಮತ್ತು ವಿಡಿಯೋ ಚಿತ್ರೀಕರಣದ ಮೂಲಕ ದಾಖಲಿಸಲಾಗಿದೆ.
ಈ ಸಂಬಂಧ ಆರೋಪಿಗಳ ವಿರುದ್ಧ ಎನ್ಡಿಪಿಎಸ್ (NDPS) ಕಾಯ್ದೆಯ 8(ಸಿ), 22(ಸಿ), 20(ಬಿ)(ii)(ಬಿ) ಸೆಕ್ಷನ್ಗಳಡಿಯಲ್ಲಿ ಕೇಸು ದಾಖಲಿಸಲಾಗಿದ್ದು, ಹೆಚ್ಚಿನ ತನಿಖೆ ನಡೆಯುತ್ತಿದೆ.
