₹1.l64 ಲಕ್ಷ ಮೊತ್ತದ ಮೋಸ: ರೆಸ್ಟೋರೆಂಟ್ ಸಿಬ್ಬಂದಿಯ ವಿರುದ್ಧ ಎಫ್ಐಆರ್
ಬೆಂಗಳೂರು, ಜುಲೈ 12:2025
ನಗರದ ಮಾನ್ಯತಾ ಟೆಕ್ ಪಾರ್ಕ್ನಲ್ಲಿರುವ ಡೈಲಿ ಸುತಿ ರೆಸ್ಟೋರೆಂಟ್ನ ಮಾಜಿ ಸೀನಿಯರ್ ವರ್ಕರ್ ದೇವೇಂದ್ರ ಪ್ರಸಾದ್ ಉಪಾಧ್ಯಾಯ ವಿರುದ್ಧ ₹1,64,423 ಮೊತ್ತದ ಹಣವನ್ನು ಕಂಪನಿಗೆ ವಾಪಸ್ ಮಾಡದೇ ಹಗರಣ ಮಾಡಿಕೊಂಡಿದ್ದಾನೆ ಎಂಬ ಆರೋಪದ ಮೇಲೆ ಪ್ರಕರಣ ದಾಖಲಾಗಿದೆ.
ಮಾಹಿತಿ ಈ ರೀತಿ ಇದೆ: BUZA FOODS PVT LTD ಕಂಪನಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದ ದೇವೇಂದ್ರ ಉಪಾಧ್ಯಾಯರು 17-04-2023 ರಂದು ಇಂಕೋಕ್ ಫುಡ್ಸ್ ಪ್ರೈವೇಟ್ ಲಿಮಿಟೆಡ್ನ ಡೈಲಿ ಸುತಿ ಘಟಕದಲ್ಲಿ ಕೆಲಸಕ್ಕೆ ಸೇರಿದ್ದರು. ಅವರು 31-12-2024 ರವರೆಗೆ ಅಲ್ಲಿಯೇ ಸೇವೆ ಸಲ್ಲಿಸಿದರು. ನಂತರ 01-01-2025 ರಂದು ಅವರನ್ನು BUZA FOODS PVT LTD ಗೆ ವರ್ಗಾಯಿಸಲಾಯಿತು.
ಆದರೆ, 03-07-2025 ರಂದು ಅವರು ಯಾವುದೇ ಪೂರ್ವ ಮಾಹಿತಿ ಇಲ್ಲದೆ ಕರ್ತವ್ಯಕ್ಕೆ ಹಾಜರಾಗದೆ ನಾಪತ್ತೆಯಾಗಿದ್ದಾರೆ. ಈ ಸಂದರ್ಭದಲ್ಲಿ ಕಂಪನಿಯ ಸೇಲ್ಸ್ರಿಪೋರ್ಟ್ ಪರಿಶೀಲನೆ ವೇಳೆ ಗ್ರಾಹಕರಿಂದ ವಸೂಲಾದ ₹1,64,423 ಮೊತ್ತದ ಹಣವನ್ನು ಅವರು ಕಂಪನಿಗೆ ಸಲ್ಲಿಸದೇ ತಮ್ಮ ಬಳಿಯಲ್ಲಿಯೇ ಇಟ್ಟುಕೊಂಡಿರುವುದು ಬೆಳಕಿಗೆ ಬಂದಿದೆ.
: ಅವರನ್ನು ಸಂಪರ್ಕಿಸಲು ಕಂಪನಿ ಹಲವು ಬಾರಿ ಪ್ರಯತ್ನಿಸಿದ್ದರೂ ಅವರು ಕರೆ ಸ್ವೀಕರಿಸಿಲ್ಲ ಮತ್ತು ನಾಪತ್ತೆಯಾಗಿದ್ದಾರೆ. ಕಂಪನಿಯ ಹಣವನ್ನು ವಾಪಸ್ ನೀಡದೆ ಮೋಸ ಮಾಡಿದ ಆರೋಪದ ಮೇಲೆ BUZA FOODS ಕಂಪನಿಯವರು ಪೊಲೀಸರಿಗೆ ದೂರು ನೀಡಿದ್ದಾರೆ.
ಸಂಪಿಗೆಹಳ್ಳಿ ಪೊಲೀಸರಿಂದ ಕ್ರಮ: ಸಂಬಂಧಿತ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿ ದೇವೇಂದ್ರ ಉಪಾಧ್ಯಾಯ ರವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗಿದೆ. ಪ್ರಕರಣದ ತನಿಖೆ ಮುಂದುವರಿದಿದ್ದು, ಆರೋಪಿಯನ್ನು ಶೀಘ್ರ ಪತ್ತೆ ಹಚ್ಚುವ ಕಾರ್ಯ ನಡೆಯುತ್ತಿದೆ.
